贛語
| 贛語 | |
|---|---|
| 話嗰國家 | 中國 |
| 地域 | 江西嘅中部同得北面、湖南嘅東首、湖北嘅東南首、安徽嘅南首同到福建嘅西北角 |
| 話嗰人数 | 6000萬 |
| 話嗰人数嗰排名 | 38 |
| 語言系統 | 漢藏語系 |
| 公家嗰地位 | |
| 何哩嗰公家話 | 冇 |
| 公制機關 | 冇 |
| 語言代碼 | |
| ISO 639-1 | zh |
| ISO 639-2 | chi(B) zho(T) |
| ISO 639-3 | gan |
贛語（國際音標：[kon ɲi]），話佢嘅人大多住嘚江西、湖南嘅東首、湖北嘅東南首、安徽嘅西南首同到福建嘅西北首，係箇滴場化事實上嘅通用話。贛語係漢藏語系下底嘅漢語語族嘅一隻聲調語言，用嘅人數六千萬左右，佔到中國總人口嘅6%嘅樣。世界排嘚三十。
贛語拕分做十一片方言，南昌話係贛語嘅代表語或標準音。再者贛語嘅各隻方言之間嘅互通程度都相當嘅高。[1]
贛語亦可称为「江西話」，到江西除吥贛語，哈有人話客家話、吳語同江淮官話、西南官話等。再話就係湖南、福建、安徽、湖北哈有人話贛語。
叫法
編寫贛語有下首嗰幾隻叫法：
劃分
編寫贛語嘅系屬一徑都係學術界嘅搬头，總嘅來話歸得到三類觀點：
第一隻觀點覺得贛語係漢語嘅一隻「方言」，依到歷史、文化嗰原因，中國大陸嘅學術界基本都咁認為。实在话，一徑到1937年贛語才正式同湘語一道拕劃出「下江官話」。哈部分話贛語嘅人也作贛語係漢語方言，箇依话出自於政治或民族等因素，再話也因為贛語冇像粵語、閩語同官話許中子个隔。
第二隻觀點覺得最好搦贛語同客家話併為「贛客語」，李方桂1937年就有「贛客家」嘅話法，羅常培也覺得贛、客係「同系異派」（1941），詹伯慧嗰《漢語方言及方言調查》裡度話到：「箇兮年有滴子方言學者覺得客、贛合到一起最来事。搦發展嗰趨勢來話，晏滴子話伓得客家話同贛語會真嗰併到一起」。但係王福堂覺得客家話同贛語合伓到一起嗰一隻重要原因就係，話客家話嗰人同話贛語嗰人心理上互伓認帳（1998）。再話，贛語同客家話到辭彙、語法上都隔嘚些。 再就係有係學者覺得撻到粵語湊，贛、客、粵三者并為「贛-客-粵語群」，因為箇三隻話到音系、辭彙都二隔壁嘚。望吖粵贛方言。
第三隻觀點覺得贛語本身就係一隻語言。外國語言學家做漢語研究嗰時間就搦贛語同別嗰漢語言都做單隻研究。語言學角度上話，通話伓正嗰話都作獨立語言。贛語同別嗰漢語口語上係基本上溝通伓正嗰。咁箇兮溝通伓正嗰漢語就作「語言同語言」嗰關係，而伓係「方言同方言」嗰關係嘞（de Francis, 1984）。哈就係，資料顯示印歐語系底下嗰英語同德語之間嗰共用辭彙係58%，法語同意大利語係80%，西班牙語同葡萄牙語更到嘞87.4%。連伓同語系嗰中文同日語之間嗰同源辭彙都有47.5%。但贛語同北方官話之間嗰共同辭彙就46.9%。[2]咁要搦「同源詞」做指標來評量語言嗰話，贛語同北方官話之間嗰差別早超過嘞「方言」之間嗰差別。
分布
編寫
話贛語嗰人到江西十来八九居到贛江嗰中下游、撫河流域同鄱陽湖地區，佔江西總面積嗰三分之二有多。外省嗰贛語人口主要居到湘東同閩西北、鄂東南、皖西南同湘西南嗰一兮地區。總面積將近二十萬平方公里，到所有南方漢語裡度，係分布最廣嗰。 贛語通行地域嗰四極係：
- 極北：安徽嗰嶽西
- 極東：江西嗰铅山
- 極南：湖南嗰資興
- 極西：湖南嗰洞口
《中華人民共同國行政區劃簡冊》（2004年）嗰數據統計到話贛語嗰人，到江西有2900萬、安徽450萬、湖北530萬、湖南900萬、福建27萬，撻攏四千八百萬嗰下事。
方言
編寫中國東南首十喇八九係丘陵地貌，咁扤得还冇現代社會嗰时间交通蔽嘈咯，人之間嗰交流就拕(音:dén)掐到嘚，古漢語也就到南方變到今下(发音"gáz")嗰各種漢語，再就係同一隻漢語里头嗰只只方言之間也隔嘚很。江西地貌尽系山地丘陵，間壁又同中國別嗰六大漢語（官、吳、閩、客、粵、湘）全共界，咁贛語嗰一滴方言也就拕周邊嗰漢語嗰纤到得，贛語哈有「三里伓同音，十里伓同調」嗰話法。
贛語主要分佈到華東、華南嗰五隻省份，依「覃談非見系分韻」同「端系字古合口今韻母今下(发音"gáz")改讀合口、撮口或者主要母音係圓唇母音」箇兩隻發音特點话，就搦「懷玉山」同「袁江」做界，劃伓「北區贛語」同「南區贛語」（孫宜志、陳昌儀、徐陽春，2001）。「北區贛語」到鄱陽湖平原同到周邊區域用，有上首嗰兩隻發音特點，「南區贛語」就冇，但也有滴特殊情況。 照《中國語言地圖集》（１９８７）话，贛語分得正九隻方言：
| 片 | 代表方言 | 特徵 | 主要分佈地區 | 主要市縣 |
|---|---|---|---|---|
| 昌都片 | 南昌話 | 去聲分陰陽；陰入調值高，陽入調值低 | 江西西北部分(即"些吥嘚")地區 | （江西嗰）南昌市、南昌、新建、安義、永修、修水*、德安、星子、都昌、湖口、高安*、奉新*、靖安*、武寧*、銅鼓*，（湖南嗰）平江 |
| 宜瀏片 | 宜春話 | 去聲不分陰陽；入聲不分陰陽 | 江西中西部些吥嘚地區 | （江西嗰）宜春市、宜春、宜豐*、上高、清江、新淦、新喻市、分宜、萍鄉市、豐城、萬載，（湖南嗰）瀏陽*、醴陵 |
| 吉茶片 | 吉安話 | 去聲多不分陰陽；多無入聲；鼻化韻wán年 | 江西中南部些吥嘚地區同湖南東部部分地區 | （江西嗰）吉安市、吉安*、吉水、峽江、泰和*、永豐*、安福、蓮花、永新*、寧岡*、井岡山*、萬安*、遂川*，（湖南嗰）攸縣*、茶陵*、酃縣 |
| 撫廣片 | 撫州話 | 去聲讀降調；陰入調值低，陽入調值高 | 江西中東部些吥嘚地區同福建西南部些吥嘚地區 | （江西嗰）撫州市、臨川、崇仁、宜黃、樂安、南城、黎川、資溪、金溪、東鄉、進賢、南豐、廣昌*，（福建嗰）建寧、泰寧 |
| 鷹弋片 | 鷹潭話 | 去聲不分陰陽；入聲分陰陽 | 江西東北部些吥嘚地區 | （江西嗰）鷹潭市、貴溪、余江、萬年、樂平、景德鎮市*、餘干、鄱陽、彭澤、橫峰、弋陽、鉛山 |
| 大通片 | 咸寧話 | 去聲分陰陽；入聲不分陰陽 | 湖北東南部部分地區同湖南東部部分地區 | （湖北嗰）大冶、鹹寧市、嘉魚、蒲圻、崇陽、通城、通山、陽新、監利*，（湖南嗰）臨湘*、嶽陽*、華容 |
| 耒資片 | 耒陽話 | “搬班”同音；“官關”同音 | 湖南東部部分地區 | （湖南嗰）耒陽、常寧、安仁、永興、資興市 |
| 洞綏片 | 洞口話 | 部分地區冇入聲 | 湖南西南部部分地區 | （湖南嗰）洞口*、綏寧*、隆回* |
| 懷嶽片 | 懷寧話 | 古入聲同上聲讀陽去 | 安徽西南部部分地區 | （安徽嗰）懷寧、嶽西、潛山、太湖、望江*、宿松*、東至*、石台*、貴池* |
注：上首話到嗰市縣名子後加*係話箇隻市縣嗰些吥嘚地區。
歷史
編寫| 箇隻條目嗰內容冇得完善，倷可以較得搦zh:贛語嗰內容翻譯到贛語。 歡迎倷積極參與，搭把手改善箇隻條目。 |
上古時候
編寫江西咯人文歷史要话到萬吧嘞年前咯石器時代，江西萬年縣仙人洞尋到嘞离肯子上萬年咯人類歷史上头隻禾[音：wó]咯樣本，[3]再就系在别拉嘞也寻到嘞一流咯新、舊石器時期咯文化遺址。鄱陽湖边上咯吳城文化镂出嘞一大撻殷商時期咯青銅器，佢咯數量、品質哈都系全國第一。[4]故系，上古時期贛鄱地區咯社會經濟發展程度早就煞料嘞很嘞咯。個哈咯古江西屬於百越之地，哈有嘞下子「干越國」同「艾國」嗰中子非華夏族國家。個哈子咯墓葬出土嘞一流咯禮器、兵器，列鼎，更嫑話尋到嘞多到170只原始文字。同時代咯南方古印紋陶文化拕分到嘞贛、湘、吳、閩、粵，江西全境凈歸贛鄱區(?)。故se̍，é時间咯江西就生正嘞佢自间咯語言同文化，箇種語言就系嘎子贛、客語言咯霍毗。[5]
秦始皇二十六年，使尉屠睢一下哚吥五十来萬人到中國嗰南邊來，個些部隊主要múd來管恁時間在福建、廣東嗰百越人。個多人到嘞江西，再撻到恁些作內勤(灶jz)嗰一萬多隻女崽仔，佢人也就係江西头波嗰漢人嘞。
到嘞漢朝，江西拕朝廷設為豫章郡﹝個隻名字係贛江嗰原名﹞，佢嗰郡府嘎嘞南昌，豚下管嘚哩十八個縣，差不多有今吖江西嗰底盤嗯大嘞。豫章郡嗰人口du̍l下從陽曆二年嗰35萬滂隆縱吥陽曆140年嗰167萬多人，實打實嗰多嘞132萬人，連翻五番。恁時間中國撻撻攏也就100多隻郡，豫章郡硬就係澗(发音gàng)嘞第四名。 在揚州嗰六隻郡裡面更係老大。 恁時間揚州嗰五分之二嗰人都居到嘞豫章郡裡頭，個麼多人也就慢慢子扤出嘞上古贛語。
中古時候
編寫再到嘞魏晉南北朝，中原地區日日打仗，há一打就係幾百年，扤得中原躲得正嗰都搬到嘞南方來住，個也係中國歷史上头次一朝嗰人往南边搬。個時間江西係作中轉站或者係暫居地。咁咯就過嘞幾百年嗰時間，贛語話伓正就撻嘞奀子中原官話嗰跡嘞，但係佢還係tên嘞一落本身嗰特點嗰。《南史•胡諧之傳》就話到嘞 :『胡諧之，豫章南昌人也。…上方欲獎以貴族婚姻，以諧之家人語音不正，乃遣宮內四五人往諧之家教子女語。二年後，帝問曰 :「卿家人語音已正未？」諧之答曰 : 「宮人少，臣家人多，非唯不能得正音，遂使宮人頓成傒語」』。個裡头話嗰『正音』係指恁時間金陵城裡面官老子們話嗰話，因為佢在政治上喫贏手，就叫佢係『正音』。個裡头話嗰『傒語』就係指恁時間南昌人話嗰話嘞。
一径到嘞唐朝，贛語差不多就係肯子個隻樣子嘞。到嘞唐末五代嗰时间，又有南昌佬，吉安佬dì到搬到湖南嗰東北邊去。晏些子嗰隻吧嘞世纪，又有人接到搬到湖北嗰東南邊，安徽嗰南邊同福建嗰西北角上。個多人搬到嘞恁嘚，贛語自然也就拕佢人帶到嘞恁嘚，扤发扤发就有嘞嘎子贛語嗰分布面積嘞。
近古時候
編寫到嘞宋朝，中原漢語動脚往現代漢語嗰下似發展。元明清個三個朝代都搦首都gà嘞北京，北京話就自然做嘞官方語言。故贛語同官話就越來越ga̍嘞。但係，因為江西在地理上埃到嘞江淮官話、湘語、棚民話區，個幾種語言也就影響(纤)到嘞贛語嗰邊角地區，個讓佢自簡嗰特點無先子恁個打眼嘞。
近代
編寫1949年以後，贛語拕看作一種地方語言，佢嗰下事也就讓人作硌得很。在中國大陸，因為政府博命推廣普通話，贛語一径拕打壓，舞得嘎子些伓子後生都不曉得讓話全靓(发音：biúliù)嗰贛語嘞，哈有隻吧嘞佬矶就一diaz都呗話嘞。個些年走时越來越多人喇嘚要招概本土文化，故系嘎子在廣播上聽到贛語，在電視上望到贛語嗰節目嘞。
主要特色
編寫語音
編寫聲調
編寫贛語（拿南昌話作代表）撻拢有19隻聲母，65隻韻母，7隻聲調（陰平、陽平、上聲、陰去、陽去、陰入、陽入） 佢无北方漢語嗰捲舌音同兒化音，個落音係中古以後發展出來嗰，贛語冇跟到佢變化。
| 古調類 | 平聲 | 上聲 | 去聲 | 入聲 | ||||
|---|---|---|---|---|---|---|---|---|
| 陰陽調 | 陰平 | 陽平 | 陰上 | 陽上 | 陰去 | 陽去 | 陰入 | 陽入 |
| 南昌 | 42 | 24 | 213 | 45 | 21 | 5 | 2 | |
| 吉安 | 34 | 21 | 53 | 213 | 34 | 213 | ||
| 鷹潭 | 11 | 24 | 343 | 42 | 5 | 3 | ||
| 撫州 | 32 | 24 | 45 | 51 | 212 | 2 | 5 | |
| 宜春 | 34 | 33 | 21 | 213 | 5 | |||
| 咸寧 | 44 | 31 | 42 | 423 | 33 | 55 | ||
| 懷寧 | 31 | 44 | 42 | 35 | 33 | 35 | ||
| 耒陽 | 55 | 35 | 53 | 213 | 12 | |||
| 洞口 | 53 | 24 | 21 | 35 | ||||
注：些吥嘚方言不同嗰調類具有一旦嗰調值，但入聲調有輔音韻尾區分嘚正佢只頓挫性。故系雖然就調值系一旦嗰，但卻哈系不同聲調。[6]
聲調分派
編寫贛語系一種典型嗰聲調語言，聲調在語句中作辨義嗰功能，但亦有一撮子變調規則。古漢語嗰「平上去入分陰陽」嗰特點在贛語中拕體現嘚，四聲分陰、陽二類，撻拢八個聲調。些吥嘚方言陰平、陰上、陰去、陰入、陽平、陽上、陽去、陽入八個聲調囵嗰tên𠴼嘚。數量上贛語嗰各只方言聲調话不正，顶少嗰像寧岡，就三類；嗰像永修、德安、都昌许嘚，多到十類。古代嗰平、上、去、入四聲在贛語中或有分化，或有歸併，而對贛語聲調嗰分化有纤法子嗰主要因素有豚下幾種：
- 古聲母嗰清濁。贛語嗰聲調留时会拕古汉语聲母嗰清、濁嗰影響。一般來說，各声調嗰清聲母字為陰調，濁聲母字為陽調。赣语各方言些吥嘚平聲不分陰陽；上聲則多數不分陰陽；些吥嘚去聲不分陰陽，些吥嘚就沒有去聲；些吥嘚就一個入聲調，哈有些吥嘚无[miú]入聲嗰中子。
- 聲母嗰送不送氣。到啃子各只漢語中就贛語嗰聲調分化會拕古聲母嗰送不送氣纤𠴼，佢主要有兩種受影響情況：
- 照古聲母嗰送不送氣分調。比如都昌嗰去聲送氣聲母字則與濁聲母字合流做陽去。南昌塔城不送氣嗰去聲清聲母字歸陽平，送氣嗰去聲清聲母字歸上聲。新建、安義不送氣嗰去聲清聲母字做陰去，送氣嗰也歸上聲。
- 照噶子聲母嗰送不送氣分調。南昌、新建、南豐嗰陽平調分二類：古次濁聲母字作陽平1，全濁聲母字為陽平2。照𠴼嗰些地區古全濁聲母字嘎子讀送氣聲母，故實際上系今聲母做不送氣像「麻」、「來」、「泥」、「人」、「顏」、「鹽」嗰中子歸陽平1，今聲母為送氣嗰「朋」、「田」、「從」、「池」、「崇」、「裙」等歸陽平2。
- 古韻類嗰不同。在贛語中，就入聲嗰分化會拕古韻類嗰纤𠴼。古鹹、山、深、臻四攝嗰入聲字常歸為一類；古宕、江、曾、梗、通五攝嗰入聲字十来八九歸為另一類。
平聲
贛語嗰平聲首先会拕中古漢語聲母清、濁嗰影響，清聲母字归为陰平，濁聲母字归为陽平。德安、永修、修水、都昌、新喻许嘚嗰陰平还会拕古聲母送氣與影響。南昌、新建、南豐嗰陽平则拕今聲母嗰送氣與否嗰影响。 贛語嗰平聲調型有一留类型，佢只规律系昌都片（南昌、新建為降調）、鷹弋片、撫廣片嗰陰平多归作平調，宜瀏片嗰陰平多归為降調，吉茶片嗰陰平多归為升調。而陰平為平調、降調嗰方言片，其陽平多归為升調；陰平為升調嗰方言片，佢陽平多归為平調，又以低平調為多見。
上聲
贛語嗰上聲大多不分陰陽，其昌都片、宜瀏片、鷹弋片、撫廣片嗰上聲都不分陰陽。但吉茶片嗰蓮花、安福、遂川三個點嗰上聲会照古聲母嗰清濁而分為陰上同陽上兩個調。
去聲
贛語里头去声嗰分配有豚下幾種情況：
- 中古去聲字不分流，清、浊聲母都只有一個去聲調。景德鎮、萍鄉、蓮花、鷹潭、貴溪、鉛山、樟樹、安福、永新、新淦、南豐、上高十来八九如此。
- 中古去聲字照古聲母嗰清、濁分為陰去、陽去兩類。安義、進賢、武寕、修水、湖口、彭澤、星子、永修、德安、樂平、余江、橫峰、弋陽、餘干、靖安、奉新、高安、臨川、資溪、樂安、宜黃、黎川、南城、廣昌、東鄉、資溪、武寧屬於這一類。嗰里头，湖口、星子、永修、都昌、德安、修水许嘚嗰陰去又照到古聲母送氣與否分為二類凑。佢不送氣聲母(即全清聲母)字為陰去1，送氣聲母(即次清聲母)字為陰去2。
- 遂川嗰古去聲不送氣清聲母字同濁聲母字合併為陰去1，佢送氣清聲母字為陰去2，无陽去調。
- 中古去聲字照聲母清、濁分流，但就一個去聲調，无陰去、陽去兩類去聲調。佢只去聲清、濁聲母字各自嗰走向又有豚下只吥子情況：
- 清聲母去聲字歸陽平，濁聲母去聲字為去聲。新喻、分宜、萬年、宜春、萬載、宜豐、吉安、萬安、峽江、永豐、吉水屬於這一種。
- 濁聲母去聲字歸陰平，清聲母去聲字為去聲。都昌、波陽、崇仁、貴溪、鉛山、余江屬於這一種。
- 清聲母去聲字歸上聲，濁聲母去聲字為去聲。石城屬於這一種。
- 不送氣去聲清聲母字歸陽平，送氣去聲清聲母字歸上聲，去聲濁聲母字為去聲，南昌（塔城）、新建、安義屬於這一種。
- 无去聲，清聲母去聲字歸陽平，濁聲母去聲字歸陰平。寕岡屬於這一種。
入聲
贛語嗰入聲分嘚正下头幾類：
- 有入聲調，又有入聲韻母。又分嘚正兩種情況：
- 就一個入聲調，調值一般都高高嗰：宜豐、上高、新淦（有兩個韻尾）；武寧、宜春、樟樹、樂平、景德鎮、橫峰、鉛山、進賢、南城、永豐（就一個韻尾）。
- 有兩個入聲調。昌都片、宜瀏片、鷹弋片依照话嘚陰入高、陽入低；撫廣片十来八九陰入低、陽入高。
- 有三個入聲調。永修、德安嗰入聲照古聲母嗰清、濁分陰陽，就一只韻尾。佢陰入又照聲母送不送氣分吥陰入1同陰入2凑，故實在有三個入聲調。安義嗰入聲𠴼照聲母嗰清濁分陰陽兩大類，佢陰入又分吥兩調故也有三個入聲韻尾。
- 有四個入聲調。都昌嗰入聲照古聲母嗰清濁分陰陽，有兩個韻尾。佢陰入同陽入各照聲母送不送氣分吥陰入1、陰入2同陽入1、陽入2凑，故實際上有四個入聲調。
- 有入聲調，无入聲韻母。
- 就一個入聲調，讀長音，無塞音韻尾，無入聲韻母，比如星子、鄱陽许嘚。
- 有兩個入聲調。贛縣王母渡鄉古鹹、山、深、臻四攝清聲母入聲字作陰入，無塞音韻尾，讀長音；古宕、江、曾、梗、通五攝入聲清聲母字作陽入，讀長音，無塞音韻尾。
- 无入聲調，亦无入聲韻母。古入聲字派入其他調類。照派入調類嗰不同，分嘚正豚下幾種情況：
- 湖口、彭澤照入聲字聲母嗰清濁分別派入陰去同陽去。
- 分宜、峽江、安福、蓮花、萍鄉、寧岡、永新、吉水、吉安、泰同通常照入聲字聲母嗰清濁分別派入陰平同陽去。
- 遂川古入聲清聲母字歸陰去2，入聲濁聲母字歸陰去1。
變音變調
編寫日常用語中有些吥嘚變音現象，不过在贛語里头[dīl]嗰點冇么几打眼。
- 音嗰增加：依话拕音節之間嗰同化作用扤吥。例如：什哩人哦？ɕi li nin o?→ɕi li nin ngo?
- 音嗰縮減：些搦由於語速快很嘚而導致音節嗰併合。例如：第二日[tʰi ɵ ȵit]→第日[tʰi ȵit]、不要[pit iɛu]→嫑[piɛu]
至於變調現象贛語不么打眼。南昌贛語嗰連續變調只從前字開始變，一個調類一種變法，曲折調皆變。其規律有如就上聲字在平聲、陰去、入聲前變調𠴼13，上聲、陽去前變吥24，輕聲前變吥21。例如：老蛤[lau kot]、好看[hau kʰon]、棗子[ʦau ʦɿ]。
詞彙方面
編寫贛語有一大撻嗰古代嗰字詞用法。個些在北方話裡面都无麽哩人嘞，要伓sóngmo̍n就嫑嘞。
就比如話,一隻東西骯髒嗰話,會話佢『下力巴人』。還有『衣裳』係話『衣服』、『睏覺』係話『睡覺』、『屋裡』係話『家里』等等。
再就係，贛語話嗰時候會有一留嗰語氣助詞，比如話『哈』『啵』『噻』等等。話事嗰時间用個些詞就會讓人感覺到句子嗰表現力。
| 贛語 | 北方漢語 | 贛語 | 北方漢語 | 贛語 | 北方漢語 | 贛語 | 北方漢語 | |||
|---|---|---|---|---|---|---|---|---|---|---|
| 乃 | 你 | 卬 | 我 | 佢 | 他 | 話 | 說 | |||
| 什哩,麽哩，何哩 | 甚麼 | 何人 | 誰 | 啷樣 | 怎麼 | 幾時間，麽哩时间 | 甚麼時候 | |||
| 箇邊 | 這邊 | 許邊 | 那邊 | 喫飯 | 吃飯 | 喫茶 | 喝茶 | |||
| 幾多 | 多少 | 冇 | 沒有 | 一奀子 | 一點兒 | 娭婆 | 外婆 | |||
| 特試 | 故意 | 好哩哩 | 無緣無故 | 撇脫 | 簡便 | 打儸 | 混黑道 | |||
| 栽禾 | 種田 | 搛菜 | 夾菜 | 揢人 | 刁難 | 拗烈 | 不聽話 | |||
| 擿癢 | 撓癢兒 | 剋架 | 打架 | 窸窸窣窣 | 小口快吃 | 攠攠摸摸 | 慢慢騰騰 | |||
| 屙屎 | 大便 | 屙尿 | 小便 | 瞌睏 | 睡意 | 荷包 | 口袋 | |||
| 男客 | 男人 | 女客 | 女人 | 大兄 | 哥哥 | 老弟 | 弟弟 | |||
| 细伢子 | 小孩 | 囡伢子 | 嬰兒 | 男崽仔、崽哩 | 男孩 | 女崽仔、姩哩 | 女孩 | |||
| 就作 | 即使 | 談詑 | 聊天 | 起碼 | 最少 | 芫荽 | 香菜 | |||
| 唆奅 | 吹牛 | 後生 | 年輕人 | 庋 | 藏匿 | 水氹 | 池塘 | |||
| 掁 | 頂撞 | 蹍 | 踹、踢 | 日頭 | 太陽 | 起風 | 刮風 | |||
| 鬥霸 | 作對 | 壁蛇子 | 壁虎 | 玍 | 討人嫌 | 厾 | 戳 | |||
| 腥水 | 洩密 | 精靈 | 聰明 | 結棍、喫價 | 厲害 | 業腦漿 | 耍小聰明 | |||
| 刨皮子 | 零錢 | 奸雀子 | 麻雀 | 秧雞 | 公雞 | 簷老鼠 | 蝙蝠 | |||
| 蕹菜 | 空心菜 | 現世、跌股 | 丟人 | 作興 | 欣賞、流行 | 巴鑊 | 糟糕 |
文法方面
編寫- 贛語中語法嗰體可以分成起始、進行、嘗試、持續、經歷、繼續、重行、已然、完成等九隻。
- “動詞+得+補語+賓語”或“動詞+不+補語+賓語”個些語法結構，贛語中一般會用“動詞+得+賓語+補語”或“動詞+賓語+不+補語”。就比如話：喫得下飯→喫得飯進，喫不下飯→喫飯不進。
通行地域
編寫贛語主要分佈在贛江嗰中下游、撫河邊(音xiân)上同鄱陽湖地區，湘東、閩西北、鄂東南、皖西南同湘西南嗰隻吧嘞地方也有人話贛語。
搾得《中華人民共和國行政區劃簡冊》（2004）統計话，贛語嗰人口分佈在江西嗰有2900萬、安徽450萬、湖北530萬、湖南900萬、福建27萬，拢共4800萬嗰下势。
依《中國語言地圖集》（1987）话，贛語分嘚正９片(音:biáng)：
（1）拿南昌話做招牌嗰昌靖片，話嗰人主要在（江西嗰）南昌市、南昌、新建、安義、永修、修水*、德安、星子、都昌、湖口、高安*、奉新*、靖安*、武寧*、銅鼓*，（湖南嗰）平江。
（2）拿宜春話做代表嗰宜瀏片，話嗰人主要在（江西嗰）宜春市、宜春、宜豐*、上高、清江、新淦、新喻市、分宜、萍鄉市、豐城、萬載，（湖南嗰）瀏陽*、醴陵。
（3）拿吉安話做代表嗰吉茶片，話嗰人主要在（江西嗰）吉安市、吉安*、吉水、峽江、泰和*、永豐*、安福、蓮花、永新*、寧岡*、井岡山*、萬安*、遂川*，（湖南嗰）攸縣*、茶陵*、酃縣。
（4）拿撫州話做代表嗰撫廣片，話嗰人主要在（江西嗰）撫州市、臨川、崇仁、宜黃、樂安、南城、黎川、資溪、金溪、東鄉、進賢、南豐、廣昌*，（福建嗰）建寧、泰寧。
（5）拿鷹潭話做代表嗰鷹弋片，話嗰人主要在（江西嗰）鷹潭市、貴溪、餘江、萬年、樂平、景德鎮市*、餘干、鄱陽、彭澤、橫峰、弋陽、鉛山。
（6）大通片，話嗰人主要在（湖北嗰）大冶、咸寧市、嘉魚、蒲圻、崇陽、通城、通山、陽新、監利*，（湖南嗰）臨湘*、嶽陽*、華容。
（7）耒資片，話嗰人主要在（湖南嗰）耒陽、常寧、安仁、永興、資興市。
（8）洞綏片，話嗰人主要在（湖南嗰）洞口*、綏寧*、隆回*。
（9）懷岳片，話嗰人主要在（安徽嗰）懷寧、嶽西、潛山、太湖、望江*、宿松*、東至*、石台*、貴池*。
注：头上話到嗰市縣名後头要撻嘞隻*嗰話，係話哩隻市縣嗰些喇嘚地區。
參考文獻
編寫- 陳昌儀 《贛方言概要》 （南昌）江西教育出版社
- 陳昌儀 《江西省方言志》 （北京）方志出版社
- 李如龍 《客贛方言調查報告》 廈門大學出版社
- 熊正輝 《南昌方言辭典》 （南京）江蘇教育出版社
- 顏 森 《江西方言的分區》（稿） 《方言》第1期
- 顏 森 《現代漢語方言概論•贛語》 上海教育出版社