三十六字母

三十六字母係宋朝韻圖為到標注中古漢語聲母嗰系統。

三十六字母嗰系統同《切韻》嗰聲母體系都撘到嘞，但跌吥嘞隻把子《切韻》嗰聲母。清朝嗰陳澧研究尋到嘞三十六字母嗰缺點，扤出嘞套更準確嗰聲母系統。

到今吖也冇人曉得係哪個發明嘞三十六字母，王應麟到《玉海》話係守溫。二十世紀初敦煌尋到兩份記錄唐代字母嗰文字，一係《歸三十字母例》，二係守溫韻學殘卷。兩份文獻都話到差伓多嗰「三十字母」，也就係話唐代就三十隻字母，宋朝嗰三十六字母係到箇基礎上加到許時間語音嗰增益版。