三十六字母宋朝韻圖為到標注中古漢語聲母嗰系統。

三十六字母嗰系統同《切韻》嗰聲母體系都撘到嘞,但跌吥嘞隻把子《切韻》嗰聲母。清朝嗰陳澧研究尋到嘞三十六字母嗰缺點,扤出嘞套更準確嗰聲母系統。

到今吖也冇人曉得係哪個發明嘞三十六字母,王應麟到《玉海》話係守溫。二十世紀初敦煌尋到兩份記錄唐代字母嗰文字,一係《歸三十字母例》,二係守溫韻學殘卷。兩份文獻都話到差伓多嗰「三十字母」,也就係話唐代就三十隻字母,宋朝嗰三十六字母係到箇基礎上加到許時間語音嗰增益版。

守溫嗰三十字母:

脣音 幫滂並明
舌音 端透定泥來係舌頭音
知徹澄娘係舌上音
牙音 見溪群疑等字係也
齒音 精清從心邪係齒頭音
審穿禪照日係正齒音
喉音 曉影係喉中音,清
匣喻係喉中音,濁