簡·愛
《簡·愛》（英文：Jane Eyre；音標：[ˌdʒeɪn ˈɛər]）係布朗第姊妹之一嗰謝羅蒂·布朗第（Charlotte Brontë）寫嗰本脫出名嗰長篇小說。佢到1847年10月16號拕Smith, Elder & Co.公司到英國嗰倫敦出版。
《簡·愛》係部革命性嗰小說，起頭嗰時間佢受到大量尖刻嗰評論，話佢違背哩許時間女客婆哩嗰傳統謙卑嗰道德。作者搦一隻女性嗰眼光去敘述小說人物嗰情感波瀾，體現出佢嗰女性獨立主義、反對專制權威嗰思想。
小說話嗰係一隻後生嗰家教同得佢嗰已婚嗰雇主之間嗰愛情故事，佢嗰內容有時間會有滴子情感誇張，箇係拕哥特式嗰浪漫主義影響得。閱讀小說嗰時間，讀者感受得正主人公面對困難挫折嗰時間，心理一滴一滴字嗰成熟嗰過程，末後佢就逐漸獨立自主嘍。