倫敦

倫敦 London
花名：霧都
國家	英國
成立嗰日期	得有2,000喇年嗰歷史， 1801年成為世界最大都市
現任市長	Boris Johnson
面積	1,580平方公里
人口 －總人口（2003年3月） －人口密度	740萬（大倫敦地區） 4680/平方公里
位置 －經度 －緯度	51°30′28″N 00°07′41″W
氣溫 －全年嗰至高 －全年嗰平均 －全年嗰至低	25 °C（7月） °C -2 °C（1月）

倫敦（英文：London）係英國嗰首都，哈都係英格蘭嗰首府，更加係歐盟最多人嗰城市。自十八世紀以來，倫敦一逕都係世界上最重要嗰政治、經濟、文化、藝術同到娛樂中心之一。到2005年，倫敦嗰人口數有750喇萬，大城市區嗰人口數超吥1200萬人。倫敦係一隻非常多元化嗰大都市，佢嗰居民來自世界各地，具有多元嗰種族、宗教同文化，係城市居民話嗰語言超過300種。同時，倫敦更係世界聞名嗰旅遊勝地，擁有數量眾多嗰名勝景點與博物館等。

地理

泰晤士河穿倫敦而過，搦城市分成南北兩半。自從羅馬人定居到箇裡之後，河上面逐漸做嘍滿多嗰橋樑，最有名嗰就係倫敦橋。

人口

倫敦係歐洲繼莫斯科同巴黎之後嗰第三大都市。據2001年嗰人口普查，倫敦市區同佢嗰自治市（鎮）（約610平方英里）有7,172,036人。其中有71%係白人，10%是印度、孟加拉或巴基斯坦後裔，5%係非洲黑人後裔，5%為加勒比海黑人後裔，3%混血人種，哈有差伓多1%係華人。58.2%嗰人信基督教，15.8%嗰人係冇宗教信仰。

到倫敦都市圈（6,267平方英里）嗰人生活大約有13,945,000，比起蘇格蘭、威爾士同到北愛爾蘭嗰人口總和哈要多。倫敦都市圈係歐洲最大嗰都市圈，哈係世界上最大嗰二十隻都市圈之一。