雷姓

【雷】係江西嗰第78隻大姓。

中國南方嗰一部分雷氏係上古南蠻民族嗰後人，佢哈係今下嗰贛閩浙嗰畬民嗰四大姓之一。

江西嗰雷姓係漢代遷入嗰，雷義係江西雷氏嗰第一人。【雷】係江西到晉朝時間好有名嗰姓之一。末後晉朝嗰雷煥、南朝嗰雷次宗爺崽都係許時間嗰名士。敦煌嗰姓氏文書同到樂史嗰《太平寰宇記》話到「豫章五姓」，裡頭都有雷姓。永修嗰晉代墓磚上頭也有「雷天有」嗰銘文。宋代嗰時間雷姓係集中到陜甘、江西兩隻地方。明朝江西嗰雷姓人口占到同姓全部人口嗰30%，係明朝嗰全國第一多。

宋朝嗰時間，江西嗰雷姓人口排得宋朝嗰同姓總人口嗰第2位。明朝嗰時間，江西嗰雷姓人口排得明朝嗰同姓總人口嗰第1位，佔得明朝雷姓人口嗰30%，佔得江西總人口嗰0.3%。