陶淵明
陶淵明（352年—426年），名係潛，字係淵明。也話晉朝時間名係淵明，字元亮，南朝宋之後改名做潛。唐朝為到避唐高祖諱，叫佢陶深明或陶泉明。佢自號五柳先生，私諡靖節先生（陶征士誄）。潯陽柴桑（今下江西九江西南首）人。晉代嗰文學家。佢文風清新自然。
年譜
編寫- 352年，陶淵明到潯陽縣上京里「園田居」出世。
- 359年，佢呀爺過身。
- 363年，佢呀細娘過身。
- 371年，佢來到晉朝首都建康求學，末後遊覽會稽郡、吳郡等地。
- 373年，佢結束遊學，歸還老屋「園田居」。
- 375年，寫得《閒情賦》。
- 376年，佢娶親成家，搬到潯陽縣城裡頭住。
- 380年，拕聘做江州祭酒，冇幾日就歸屋不做嘍。再拕請做主簿，佢也冇答應。寫得《勸農》。
- 381年，佢老婆過身。
- 385年，佢續第二隻老婆。
- 386年，大崽陶儼出世。
- 388年，二崽陶俟出世。
- 389年，三崽陶份、四崽陶佚出世。寫得《命子》。
- 391年，寫得《榮木》。
- 392年，佢二老婆過身。
- 393年，佢續第三隻老婆翟氏。
- 394年，細崽陶佟出世。
- 396年，寫得《和郭主簿》。
- 397年，寫得《擬輓歌辭三首》。
- 398年，佢投入江州刺史桓玄嗰幕府。
- 400年，佢代表桓玄出使建康，遞交《討海賊表》。 5月，歸還江西，寫得《庚子歲五月中從都還阻風於規林二首》。月督抵達屋裡，仰上到荊州任職。
- 401年，寫得《遊斜川》。 7月，來還潯陽探望佢嗰娘孟氏，末後寫得《辛丑歲七月赴假還江陵夜行塗口》。箇年冬天佢娘病逝。
- 402年，寫得《晉故征西大將軍長史孟府君傳》。
- 403年，寫得《癸卯歲始春懷古田舍二首》、《癸卯歲十二月中作與從弟敬遠》。
- 404年，佢當任鎮軍將軍劉裕嗰參軍。寫得《始作鎮軍參軍經曲阿》。
- 405年，佢改任建威將軍、江州刺史劉敬宣嗰參軍。 3月，代表劉敬宣命到建康遞交《求解職表》，路上寫得《乙巳歲三月為建威參軍使都經錢溪》。末後佢辭職歸屋。 8月，上任彭澤令，攏共做在官八十喇日，寫得《雜詩十二首》。 11月，寫得《歸去來兮辭》，箇就開始佢嗰田園歸隱生活。
- 406年，佢搬還上京里「園田居」。寫得《歸園田居五首》、《歸鳥》、《酬劉柴桑》、《讀〈山海經〉十三首》、《感士不遇賦》。
- 407年，寫得《祭程氏妹文》、《連雨獨飲》、《與子儼等疏》。
- 408年，「園田居」著火，佢故係搬到舫舟裡頭贊助。寫得《戊申歲六月中遇火》。熱天後搬到南村住。寫得《移居二首》。
- 409年，寫得《和劉柴桑》、《己酉歲九月九日》。
- 410年，寫得《庚戍歲九月中於西田獲旱稻》。冬天嗰時間接待長沙公陶延壽，寫得《贈長沙公》。
- 411年，佢老弟陶仲德過身。寫得《祭從弟敬遠文》、《與殷晉安別》。
- 413年，寫得《形影神三首》。
- 415年，佢搬還「園田居」。寫得《還舊居》。晉朝請佢做著作郎，佢冇答應。寫得《五柳先生傳》。
- 416年，寫得《示周續之祖企謝景夷三郎》。
- 417年，寫得《贈羊長史》、《飲酒十二首》。
- 418年，寫得《止酒》、《歲暮和張常侍》。
- 419年，寫得《九日閒居》。
- 420年，佢改名做「陶潛」。寫得《於王撫軍座送客》、《怨詩楚調示龐主簿鄧治中》、《讀史述九章》。
- 421年，寫得《述酒》。
- 422年，寫得《桃花源記並詩》。
- 423年，寫得《答龐參軍》。
- 424年，寫得《詠貧士七首》。
- 425年，寫得《有會而作》、《乞食》。
- 426年，寫得《自祭文》。箇年冬天，陶淵明病逝，拕埋到南山陶氏宗墓。
後世畫作
編寫
參考資料
編寫- 《陶淵明年譜》，王質（宋）