阿拉巴馬州

阿拉巴馬州（又拕叫做亞拉巴馬州，英語：Alabama）係美國東南面嗰一隻州，南邊憑到佛羅利達州，淆墨西哥灣係鄰舍。佢嗰首府係蒙哥馬利，有67隻縣，係“迪克西嗰心臟”（迪克西係美國南方州嗰俗稱），還有“山茶花州”嗰別稱。1711年，法國人在莫比爾建起來哩第一隻殖民地，係阿拉巴馬州嗰前身。亞拉巴馬嗰北面在1783年加進哩美國嗰版圖，別嗰地方在1803年搾得路易斯安那購地協議加進美國。佢在1819年加進聯邦成為美國嗰第22隻州，又在1861年從聯邦出來加到南方邦聯，在1865年廢掉奴隸制。又在1867年因為不簽美國憲法嗰第十四號修正案拕軍管。終於在1868年又加到聯邦裡頭去。佢嗰大城市有伯明翰、亨茨維爾、莫比爾。佢裡頭嗰河有阿拉巴馬河、田納西河、湯比格比河、莫比河、查特胡奇河。佢頂高嗰地方係奇霍峰，有734米。