新喻嗰舊石器時代遺址
（從袁河遺址跳過來）
新喻嗰舊石器時代遺址係到新喻嗰袁河流域發現嗰舊石器時代遺址。經學者研究，佢係隻地質學上嗰晚更新世晚期、考古學上嗰舊石器時代晚期嗰古蹟。
1989年，學者到新喻嗰袁河左首二級階地上發現龔家山、打鼓嶺箇二隻舊石器時代遺址，攏共尋到49件石製品，佢俚係15件石核、9件帶人工跡嗰石頭，同到16件石片、1件砍砸器、7件刮削器跟1件球形石。用光釋光法試測到打鼓嶺中、上部發現嗰2隻沉積物樣品，佢俚嗰年代分別係36.1±2.6ka同到 64.2±4.9ka。
參考資料
編寫- 《江西新余發現的舊石器》，李超榮、侯遠志、王強，《人類學學報》1994年04期
- 《江西新余舊石器地點的埋藏環境與時代》，楊達源、李徐生、房迎三，《人類學學報》2003年02期
- 新余舊石器時代遺址·化石網