「南昌貢院」：修訂間差異

老貢院嗰正北首係脫大嗰一片桃林，係考試時間嗰秀才歇息、遊覽用嗰。林子嗰西頭有樁木，考生會搦馬緹嘚上頭，《南昌縣誌》、《江西省城地理白話教科書》覺得嗰箇係「[[系馬樁]]」嗰地名因由。「[[狀元橋]]」話也係源自每回參考嗰秀才都會行過橋面以求金榜題名。

「致公堂」嗰後背係「戒慎堂」，堂後嗰壁有隻「外簾門」，外簾官不得進入。。「致公堂」同得「戒慎堂」之間嗰屋間，係掌卷、受卷、譽錄、對讀、彌封、公卷、巡捕、理事等職司人員辦公同得食宿嗰場化。外簾門嗰外售首有隻「飛虹石橋」，係內、外簾官做事嗰界限，兩方不得卡過箇道橋。內簾門嗰裡首係「衡鑒堂」，係許時間主考、典試嗰閱覽考卷、評定名次同得主司嗰食宿嗰所在。鄉試嗰考官係翰林、進士出身嗰官臨時擔任嗰，每回鄉試連考三到，每到三日。

公元貢院嗰兩首係號舍，應試者必考嗰時間就住嘚箇裡。為得防止外人翻壁入院，貢院嗰內、外壁都長嘚帶簕嗰荊棘，故係有「棘闈」嗰叫法。南昌貢院攏共有17000喇萬間嗰號舍，係揸得《千字文》嗰編號命名嗰。為得避諱或不吉利嗰字，「天、地、玄、皇、軻、荒、吊」同得數目字通常不會拕採用。一排號舍一般係100間或50間嗰規格，兩排之間設有長巷，擺嘚號燈、號旗以做識別，哈有滴子水缸、廁舍等設施。單間嗰號舍有6尺高、3尺闊、4尺莽。兩壁離地有一、二尺嗰距離，有上、下兩道磚縫承板。

江西人歷來作興讀書，盛行業儒之風，因為江西自身地狹人稠，科舉就提供嘚一般人登科出仕嗰社會公功用。《西園雜記》裡頭話[[南昌府]]「市井多儒雅之風」，[[吉安府]]「環吉水百里之疆多業儒」，[[廣信府]]「下逮田野小民生理裁足，皆知以課子孫讀書為事」，故係封建時代有「翰林多吉水，朝士半江西」嗰話法。

明朝嗰頭隻狀元[[吳伯宗]]就係[[金溪]]人，佢也拉開江西士子壟斷明朝考場嗰序幕。好似洪武朝所錄六科嗰881名進士裡頭，江西士子佔得147席。建文至天順六朝年間嗰22科裡頭，江西佔得5090名進士裡頭嗰1001名，接將近明朝嗰五分之一。洪武四年至天啟二年嗰82科裡頭，江西士子攏共奪得狀元18名、榜眼15名、探花21名、會元21名，佔得明朝嗰21.5%強。永樂二年，江西士子更假包圓全科嗰頭七名：狀元[[曾棨]]、榜眼[[周述]]、探花[[周孟簡]]、第四名[[楊相]]、第五名[[王環]]、第六名[[王訓]]、第七名[[王直]]。