「江西嗰族譜」修訂間的差異

江西嗰族譜體式到宋代之後最終定型。[[廬陵]][[歐陽修]]自簡纂修嗰《歐陽氏譜圖》裡頭話:「譜圖之法,斷自可見之世,即為高祖,下至五世玄孫,而別自為世」。<ref>宋·歐陽修《歐陽修全集·譜例》</ref>箇就係話五世做一隻圖,遴到第六世都畫隻新圖過。一隻系圖嗰格式係「凡遠者疏者略之,近者親者詳之……凡諸房子孫,各紀其当紀者,使譜互見,親疏有倫,宜視此例而審求之。」歐陽修嗰族譜體式包括譜序、譜例、世系圖、世系錄、先世考辨箇五大項。箇隻格式嗰確定也係江西嗰族譜文化嗰成熟標誌。
 
江西嗰大家士族注重「尊祖、敬宗、睦族」嗰價值觀念,箇裡頭「尊祖」就係話要勤修譜牒、「敬宗」係話要興做祠堂、「睦族」係話要族員和睦。一隻家族日常嗰生產、教育、人文活動舞得先頭單係記錄家族血緣關係嗰族譜,一下拕添進好多家族運作嗰詳細事例。像,[[明]]·正德十五年([[1520年]])[[彭澤]]主修嗰《[[長沙]]青山彭氏會宗譜》,佢起頭就話佢屋裡嗰始祖「旭湖公」係江西[[吉州]][[廬陵]]人,[[唐]]末嗰時間帶兵征剿黄巢,年老辭官後住嘚[[長沙]]嗰青山,佢六隻崽跟嘚身邊。箇隻宗譜攏共有一册,含到譜序、跋、世系圖表,家族遷徙源流箇多內容。譜序哈係[[茶陵]]李東陽、[[新都]]楊廷和、[[鉛山]][[費宏]]寫嗰。
 
通常一本族譜都含到下頭嗰幾隻要素:
*谱序:佢一般係有家族長者要員或當世名流寫嗰,主要介紹箇隻家族嗰世系渊源、歷史传承、修谱歷程箇滴子信息。序跋嗰數量可能隨得修譜嗰次數嗰增加而增加。
*谱例:或叫凡例。佢介紹嗰係族谱嗰修撰原则、体例同到类目嗰安排理由。
*谱论:佢一般引用先前嗰名人名士對家族宗譜嗰言論,或者係引用皇帝嗰喻民榜、喻民诏。
*目錄:或叫總目,佢介紹全譜嗰大致內容、分類款項。
*恩纶录:或叫恩荣录、褒颂、诰勅、赐谕、告身。佢係記錄歷史上皇室官府對家族嗰封賞贈賜,像勅书、诰命、上谕、御制碑文、祭文、赐匾等。
*传记:佢一般係對家族嗰先祖嗰贊詞傳記,哈會附添一滴子先人嗰肖像。箇類先人包括家族裡頭有名望著世或德行懿范者、节妇烈女等,記述內容可以係年谱、寿序、墓志铭、祭文、行述、碑铭等。
*門規家訓:箇係一隻族譜嗰重要內容。佢嗰內容相當廣泛繁雜,高安陳氏嗰《[[義門記]]》就係隻事例。
*典制:佢包到冠礼、笄礼、婚礼、祭礼箇滴子家族儀禮形式。
*墓圖墓志:佢記錄家族墓地嗰地名、所在、四址交界。
*捐資名目:佢記載家族裡頭各房各派對修譜工程嗰捐資情況。
*世系图:佢用圖表嗰形式表示家族歷代世系,一般係五世一圖。
 
==數目==
39,452

次編輯