「中國抗日戰爭」：修訂間差異

'''中國抗日戰爭'''，係話二十世紀三十年代到四十年代，[[Wp/gan/日本|日本]]入侵[[Wp/gan/中國|中國]]扤出來嗰中日兩國之間嗰戰爭，主戰場係中國，最末中國贏得箇場仗而結束。

箇場仗到不同嗰所在叫法不一樣。[[Wp/gan/中華民國|中華民國]]政府同中國民間叫佢'''八年抗戰'''、'''中日戰爭'''等，[[Wp/gan/中國共產黨|中國共產黨]]同[[Wp/gan/中華人民共和國|中華人民共和國]]政府叫佢'''中國人民抗日戰爭'''，日本就叫佢'''日中戰爭'''（日語：日中戦爭）或'''支那事變'''，西方國家基本上係叫'''第二次中日戰爭'''（Second Sino-Japanese War）。

抗日戰爭1945年8月15日結束，但佢其開始嗰時間有好兮話法。普遍覺得全面抗日戰爭起頭於1937年7月7日嗰[[Wp/gan/盧溝橋事變|盧溝橋事變]]，到1945年8月15日日本冇條件投降結束，攏共九十七月又八日，八年有多，八年抗戰也就係咁來嗰。還有人覺得佢有1931年9月18日嗰[[Wp/gan/九一八事變|九一八事變]]起頭，咁就係十四年/十五年抗戰。更加有人覺得，中華民國政府到1941年12月9日嗰[[Wp/gan/珍珠港事件|珍珠港事件]]爆發後兩日，才正式同日本宣戰，咁算抗日戰爭就伓到4年。箇時間嗰戰爭放大到全[[Wp/gan/太平洋|太平洋]]地區，中國同[[Wp/gan/美國|美國]]、[[Wp/gan/英國|英國]]嗰同盟國一道打贏日本，中國嗰抗戰也就係[[Wp/gan/第二次世界大戰|第二次世界大戰]]太平洋戰爭嗰一部分。