【涂】係江西排49位嗰一隻姓。佢源自滁河，末後發展到江西、安徽，稱為當地嗰煬族。宋、元、明、清嗰時間，箇隻姓出過好多人才。
「滁河」早以係叫「涂水」。姓「涂」嗰人就許時間就住得嘚佢舷上，故係就搦【涂】做姓。《名賢氏族言行類稿》話：「洪州人，因水為姓。」《通志氏族略》也話：「南昌洪州有涂氏，因水為姓。」
涂姓一族嗰人搬嘚江西住定後，就落地生根嘍。今下所有【涂】姓人哈係奉「豫章」做堂號，位到標示自簡嗰宗源本籍。
也有話法話涂姓出自上古中原一帶嗰「涂山」氏，不係贛地原生嗰姓。《姓氏族譜箋釋》就話「系出涂山氏。晉新吳侯涂欽渡江南至豫，為東南涂之氏之祖。」
