法語

法語（français，國際音標：[fʁɑ̃sɛ]）係印歐語系嗰羅曼語族底下嗰一隻語言，全世界有八千七百多萬人用佢做母語，哈有一點九億隻人用佢做第二語言，全世界排嘚第五位。法語係非常多國家或組織嗰官方話，好似聯合國同得歐洲聯盟。法國法語跟到加拿大法語係法語嗰兩大分支，佢俚有蠻大嗰區別。

方言

先頭法國有好多方言嗰，末後巴黎拕定為首都，就喫贏手，故係佢許塊嗰方言就變做現代法語標準話哩。

法語係第一語言嗰國家或地區有：法國（有六千萬人用，包到新赫裏多尼亞、留尼汪、瓜德洛普、馬提尼克到聖皮埃爾及密克隆）、加拿大（六百七十萬，主要係魁北克省、新不倫瑞克省）、比利時（四百萬）、瑞士（跟德語、義大利語、羅曼什語四語共用）、摩納哥、法屬圭亞那（Guyane française）、海地

法語哈係後頭箇滴子國家嗰第二語言：阿爾及利亞、黎巴嫩、毛里求斯、摩洛哥跟到突尼西亞。

法語到後頭箇滴子國家國家係官方語言，也係學校唯一用嗰語言：科摩羅、剛果共和國、法屬玻利尼西亞、加蓬同得馬里。

法語到後頭箇滴子國家係官方語言，但係冇有當地許常用：貝寧、伯基納法索、布隆迪、喀麥隆、中非共和國、乍得、象牙海岸、幾內亞、馬達加斯加、尼日爾、盧旺達、塞內加爾、塞舌耳、多哥、瓦努阿圖跟到剛果民主共和國。

法語到安道爾同得盧森堡也非常常用。

到埃及、印度嗰本地治里（Pondicherry）、義大利嗰（Vallée d'Aoste）、老撾、柬埔寨、毛利塔尼亞、英國（汊河島，海峽群島）、美國（阿卡迪亞，Cajun）跟到越南也有滴子人話法語。

	雙唇音	唇齒音	齒音/ 齒齦音	齦顎音	硬顎音		軟顎音		小舌音
	雙唇音	唇齒音	齒音/ 齒齦音	齦顎音	普通	圓唇	普通	圓唇	小舌音
鼻音	m		n		ɲ		ŋ
塞音	p - b		t - d				k - g
擦音		f -v	s - z	ʃ - ʒ					ʁ
近音					j	ɥ		w	ʁ
邊音			l		ʎ

寫法語係用拉丁字母，但係有滴子字母加得正比標音符，像：â、ç、ê、ï、ù。

Bonjour! 倷好！