江西公共銀行

江西公共銀行係1923年拕創辦嗰，由江西善後討論會組織，佢嗰運營形式係官督商辦，額定資本係100萬元，實收23萬，末後收到官股25萬，搦公債抵充。佢嗰總行拕設嘚南昌。

全贛公共銀行發行嗰兌換券壹圓

江西公共銀行發行嗰貨幣有1元、5元、10元嗰銀元券，攏共21萬（也有30萬嗰話法）；10枚、100枚嗰銅元票，攏共20萬串。

江西公共銀行嗰金融信用過不得硬，故係1925年後江西嗰銀價瘋漲，佢嗰發行利益損失精嗒光。末後佢嗰官股部份拕合併到江西銀行。1926年，江西公共銀行正式宣告關張，先頭發行嗰紙幣拕全部收還。