朱權
（從寧獻王跳過來）
寧獻王 朱權（1378年5月－1448年），號臞仙，又號涵虛子、丹丘先生，明·洪武皇帝嗰第十七隻崽，佢娘係楊妃。
| 寧王 | ||
|---|---|---|
| 一代王 | ||
| 在位期間:1391年-1448年 | ||
| 都城 | 南昌 | |
| 王宮 | 寧王府 | |
| 別名 | 涵虛子、丹丘先生 | |
| 出生 | 1378年 | |
| 逝世 | 1448年 | |
| 諡號 | 獻王 | |
| 陵墓 | 寧王墓 | |
| 父王 | 朱元璋 | |
| 母后 | 楊妃 | |
| 王后 | 張氏 | |
| 王子 | 五隻崽 | |
1391年，朱權拕佢爺洪武帝封為寧王，三年後就藩內蒙古，「帶甲八萬，革軍四千，所屬朵顏三衛騎兵皆驍勇善戰」。故係燕王朱棣靖難騎兵嗰時間，佢死命哩托到寧王，更假話出事成以後「中分天下」嗰話。末後燕王登基成為永樂帝，仰上變卦，到1403年搦封到南昌。永樂帝哈下旨搦先頭嗰布政司衙門改做成寧王府，「瓴甋規制無所更」。
到南昌之後，朱權日日研習黃老之術，拕人告係「巫蠱誹謗事」。永樂帝派人「密探無驗」，咁才算了。
1448年，朱權病故，諡號「獻王」。
王室
編寫寧王府嗰宗室規例：自寧獻王朱權以降，子孫嗰族名係「磐奠覲宸拱，多謀統議中，總添支庶闊，作哲向親衷」，攏共係二十世。另一字哈要輪流以「木、火、土、金、水」為偏旁，五世一換。
著書
編寫《通鑑博論》、《寧國儀範》、《家訓》、《文譜》、《詩譜》、《史斷》、《通鑒博論》、《漢唐秘史》、《琴阮啟蒙》、 《神奇秘譜》、《瓊林雅韻》、《神隱》、《太和正音譜》等數十種。