周羅睺

周羅睺，字公佈，隋·潯陽人。佢係許時間陳朝嗰句容縣（今下嗰江蘇句容）令。佢同齊軍、周師打仗，回回都勇冠三軍，故係拕封為「右軍將軍」，「始安縣伯」，總檢校揚州中外諸軍事。末後升爲晉陵郡（今下嗰江蘇常州）太守，進爵為侯，都督豫章十郡諸軍事、豫章內史。陳後主嗰時間，佢又拕封為持節都督南州諸軍事，太子左衛率。

隋伐陳嗰時間佢都督巴峽，到長江舷上同隋作戰。陳拕滅吥之後歸順隋朝，官拜上儀同三司。

公元598年，周羅睺拕任命為水軍總管，征伐遼東，一徑到哩平壤。第年佢又去征伐突厥，拕封為大將軍。公元601年，拕封為東宮右虞侯率，末後右衛率，爵位係義寧郡公。公元605年，拕授為右武侯大將軍，進升上大將軍。607年，當任涇州（今下嗰甘肅涇川）刺史，管到晉、絳、呂三州嗰軍事。仰上帶兵平定哩漢王諒嗰作亂，但中流矢而過世。咁佢拕追贈為柱國、右翊衛大將軍，謚號係「壯」。