吳猛

吳猛，字世雲，東吳豫章人。《晉書》話佢細大哩非常孝順佢爺娘。

佢屋裡冇錢，睏覺冇蚊帳。熱天蚊子多嗰時間，佢怫佢爺娘睏覺不住，就夜裡睏到佢爺娘邊上。細伢子肉潤，蚊子都尋得唶（de）佢，佢也不抨蚊子。咁蚊子喫飽哩就不喫佢爺娘嗰血嘍。

四十歲嗰時間，吳猛逢到丁義道士，學得道術。佢歸還故鄉嗰時間，逢到江起大浪，佢掟把白羽扇到水面上，企得扇子上就過江嘍。江州刺史庾亮聽到箇場事，請佢相下佢嗰病。吳猛覺得自簡陽壽要盡，就不做偈，光話準備正棺材壽衣。一個月后吳猛過身，紋身鮮亮。大殮冇到佢嗰尸身都跌吥嘍。末後庾亮就倒床不得起嘍。

吳猛拕宋徽宗封做「真人」。民間尊佢係「大洞真君」。聽話佢哈係許真君嗰老師或同門兄弟。

評價

古人話佢：「晉吳猛，年八歲，事親至孝。家貧，榻無帷帳，每夏夜，蚊多攢膚，恣渠膏血之飽，雖多，不驅之，恐去己而噬其親也。愛親之心至矣!」

《晉書》話佢：「傳敘災祥，書稱龜筮。應如影響，協若符契。怪力亂神，詭時惑世。崇尚弗已，必致流弊。」

《二十四孝》話佢：「夏夜無帷帳，蚊多不敢揮。恣渠膏血飽，免使入親幃。」