原子

原子係化學里面一種粒子。在保持住它化學特性嗰條件之下，可以存在嗰最細粒子。

英國化學家道爾頓嗰原子概念

原子係由三種次原子粒子組成，即係質子、中子同電子。原子係化學里面幾個最基本嘅概念之一；化學作用里面原子嗰數量不會變，係研究化學作用嗰基本假設。

名稱

原子嗰英文名係由希臘話轉化過來，原本意思係「不可以再切分嗰」。早在公元前，古希臘哲學家就講過原子嗰概念。大約在公元前450年，德謨克利特就創造哩「原子」呢個詞語，意思就係「不可切割」。

到哩17至18世紀，英國化學家道爾頓（John Dalton）提出過：對於某種物質，不可能通過化學手段而將它繼續分解。當時未有質子、中子等等嗰概念。一直到19世紀尾，物理學家開始發現原子嗰內部結構，由此證明原子並不係不能夠進一步切分。

結構

原子嗰結構，核心係質子同中子，外邊嗰粒子係電子

原子係由三種次原子粒子組成，而呢種粒子每樣有幾多就控制住粒原子嗰化學特性同核子特性：

• 電子，每粒有一個單位嗰負電荷，係三種粒子里面最輕嗰。
• 質子，每粒有一個單位嗰正電荷，大約係1836粒電子重。
• 中子，冇得電荷，大約有1839粒電子重，係三種粒子裏面最重嗰。