元朝時間江西嗰行政規劃

元朝時間江西嗰行政規劃係話元朝到江西設置嗰行政規劃。

建制過程

1277年，江西軍民抵抗元朝軍隊嗰行動失敗，許年江西行省就拕設立，首治係南昌。第年首治拕換到贛州。等到文天祥嗰抗元事業完全失敗，宋·祥興帝趙昺同到陸秀夫跳海自殺，江西咁就徹底受元朝治理，1279年首治跟到遷還南昌。末後福建發生起義，江西行省嗰首治拕轉到福州。1282年，首治設還南昌，叫「隆興府」。1284年，「隆興府」拕改做「龍興府」。

機構設置

江西等處行中書省下頭管轄十八路、九州同到一隻肅政廉訪司、一隻宣慰司都元帥府。

江西湖東道肅政廉訪司：佢管到龍興路、吉安路、瑞州路、袁州路、臨江路、撫州路、江州路、南康路、贛州路、建昌路、南安路十一路，同到南豐州。

江西行省下頭嗰各級設置係路（府）、州、縣。行省裡頭哈設置哩「肅政廉訪司」，佢嗰監察範圍就叫做「道」。別嗰哈設置「宣慰司」，「掌軍民之務，分道以總郡縣，行省有政令則布於下，郡縣有請則為達於省。有邊陲軍旅之事，則兼都元帥府」。

江西行省下頭哈管到「廣東道宣慰使司都元帥府」同到「海北廣東道肅政廉訪司」。起頭也管到過「興國路」，但係末後佢到1293年拕劃到湖廣行省裡頭去。

歸到而今江西地面上嗰饒州路、信州路、鉛山州，許時間係歸得浙江行省管嗰。

參考資料

• 《江西史稿》，許懷林，江西高校出版社
• 《中國歷代行政區劃》，張明庚、張明聚，中國華僑出版社，1996年，ISBN 7801200764
• 行政區劃網·江西行省