上海

上海（上海話，[zɑ̃'hᴇ]），簡稱滬，又叫申，係中華人民共和國一隻城市，係四隻直轄市之一。佢坐落到中國東部嗰長江三角洲，東臨東中國海。佢係眼下中國發展頂快嗰城市，更加係經濟頂發達嗰城市之一，中國嗰商業同金融中心。2010年，世界博覽會到上海舉行。上海港係世界最大嗰港口，也係世界第一大貨櫃港，2015年全年吞吐量係3653.7萬標準貨櫃。